اجمل شاعر بحر الاسرار

الثلاثاء مارس 26, 2013 8:18 am

:T2DBsm:

... يا بحر ...

كلها كانت ثواني

ألتقينا في ثواني

و أفترقنا في ثواني

و للأسف هذه الحقيقة

يا بحر وشلون باصبر

دامني ميت عليها

ملت عزومي و تلاشت

و أذبحت قلبي بيديها

يا بحر ليه العناد

و التجافي و البعاد

يا بحر شمسك يغطيني دفاها

و بدر ليلك سرني يومه تباهى

أرقب أطيوفه و أدعي

يا عساها يا عساها

يا عساها تذكر الماضي القديم

و يا عساها تعرف إني في هواها كم أهيم

و يا عساها تطفي نيراني بماها

و يا عساها تعرف أنه ما سكن قلبي سواها

يا بحر صمتك يحسسني الحنان

يا بحر موجك يعيشني بأمان

يا بحر ليه الأماني

تختفي خلف المواني

و الثواني في هدوءك

تعني للعاشق معاني

ليه أنا وقتي أسير

و ليه أنا همومي كثير

و ليه أنا جرحي يكابر

و ليه أشتاق و أغير

يا بحر كل عاشق يفشي أسراره معاك

تسحر الكل بجمالك و الوفا غطى سماك

ليه أنا لا أشتقت أجيك

و أرمي همومي عليك

و كل عاشق صار مثلي

يعشقك مجنون فيك

يا بحر مدري الثواني اللي قضيناها بخيله

و إلا هي ساعات صارت بعد شوفتها قليله

يا بحر لو جتك مره تسألك حال النوى

و تسألك عن حال جمره أوقدت نار الهوى

و قالت أضناني الفراق

و جرح فيني لا يطاق

قول هذا حال كل العاشقين

اللقا لحضات و الفرقى سنين

و بوصفها يعجز لساني

و كل عاشق كم يعاني

الفراق يطول عهده

و التلاقي في ثواني

و كلها كانت ثواني

ألتقينا في ثواني

و أفترقنا في ثواني

هذه اسراري احتفظ به يا بحر ان استطعت